Üç ölkədən uçan Bayraktar AKINCI Azərbaycandadır


Üç ölkədən uçan Bayraktar AKINCI Azərbaycandadır

Baykardan verilən məlumata görə, TEKNOFEST Azərbaycanda həm statik sahədə sərgilənəcək, həm də dinamik sahədən havaya qalxacaq iki Bayraktar AKINCI TİHA uzun bir uçuşdan sonra Azərbaycana gəlib.

Festivala qatılmaq üçün bu gün səhər saatlarında Tekirdağın Çorlu rayonundan havaya qalxan Bayraktar AKINCI Türkiyə hava məkanını keçdikdən sonra uçuşunu Gürcüstan üzərində davam etdirib. Gürcüstandan keçərək Azərbaycanın hava məkanına daxil olan AKINCI təxminən 5 saat ərzində paytaxt Bakıya çatıb. Günorta saatlarında yola çıxan digər AKINCI da eyni marşrutu izləyib və təxminən 2000 kilometrlik uçuşu uğurla başa vurub. Uçuşlarını uğurla başa vuran Bayraktar AKINCI TİHA-lar Bakı Heydər Əliyev Beynəlxalq Hava Limanına enərək tarixi səyahətlərini başa vurdular.

TƏKMİN 2000 KİLOMET

Beləliklə, türk aviasiya tarixində ilk dəfə milli olaraq hazırlanmış İHA 3 ölkəni keçərək və təxminən 2000 kilometr məsafə qət edərək uzun və müvəffəqiyyətli bir uçuş həyata keçirdi. Bu yaxınlarda Roketsan tərəfindən hazırlanmış Teber-82 Rəhbər Kiti ilə dəniz səthində hədəf üçün uğurlu atış sınağı həyata keçirən Bayraktar AKINCI Türkiyənin milli aviasiya tarixində yüksəklik rekorduna da sahibdir. Sınaq uçuşlarına davam edən Bayraktar AKINCI B TİHA, 11 Mart 2022-ci il tarixindəki sınaq uçuşunda 40.170 fut yüksəkliyə qalxaraq Türkiyə aviasiya tarixinin yüksəklik rekordunu qırdı.

29 avqust 2021-ci il tarixində Prezident Rəcəb Tayyib Ərdoğanın iştirak etdiyi mərasimlə inventarlaşdırılan Bayraktar AKINCI TİHA-lar hazırda təhlükəsizlik qüvvələri tərəfindən əməliyyat vəzifələrində fəal şəkildə istifadə olunur Bu günə qədər 6 Bayraktar AKINCI TİHA təhlükəsizlik qüvvələrinin inventarına girdi.

ÜÇ ÖLKƏ İLƏ İHRACAT MÜQAVİLƏSİ İMZALANDI

Bayraktar AKINCI TİHA üçün 3 ölkə ilə ixrac müqaviləsi imzalandı. Müqavilələr çərçivəsində Bayraktar AKINCI TİHA və yer sistemlərinin 2023-cü ildən etibarən dövri olaraq təhvil verilməsi gözlənilir. İlk milli İHA ixracını 2012-ci ildə edən Baykar, 2021-ci ildə 664 milyon dollarlıq S/İHA sisteminin ixracını tamamladı və gəlirlərinin yüzdə 80-dən çoxunu ixracatdan əldə etdi. Milli TİHA Bayraktar AKINCI ilə maraqlanan bir çox ölkə ilə danışıqlar davam edir.


yemlihatoker